خلود المهدي
توثيق أي لحظة حلوة يلزمه صورة. صورة لمة صحاب أو
عيلة، صورة بفيلتر عبيط تضحك عليها بعدين، صور بمنظر حلو شوفته، صورة جامدة تنزلها تغيظ بيها الاكس. المهم اننا لو ركزنا هنلاقي اننا من اول ما اتولدنا واحنا بنتصور و لينا صور في جميع مراحلنا العمرية، بس مشاي حد يصور يطلع صورة حلوة!
عشان كدا الشخص اللي يكون من معارفنا أو عليتنا موهوب بالتصوير بنتمسكبيه. خلود المهدي، واحدة من أفضل المصورين الشباب حالياً و أكثرهم موهبة. خلود بتدرس في فنون جميلة و بدأ تتصوير من سبع سنين، و على مدار الفترة دي شافت تطور في التصوير و أسلوب المصورين و من أهم التطوراتالي ظاهرة على المصورين بدل ما كان زمان متقيدين و بيبدأوا يتدرجوا من حاجة لحاجة بقوا بينطلقوا و بيطلقواالعنان لتفكيرهم. خلود كمان اتعلمت اثناء دراستها ان اي خطوة بتعملها بتتعكس في الفن اللى بتقدمه و دا بيبان لأي فنان حقيقي، بمعنى أنك لوكنت مش فاهم بتعمل ايه او كَرّوت أي حد بيفهم هيقفشك يا معلم، و دي من الحاجات السلبية اللي في بعض الأحيان بتنتج عن انطلاق المصورين.
من وجهة نظرها الصورة الحلوة ليها جانبين، جانب فني و فكرة او مفهوم الصورة نفسها. و من وجهة نظر خلود الخطوة الأولى في التصوير من حيث الفكرة نفسها و خطة التصوير والألوان هي أهم خطوة و أصعب خطوة. العامل الرئيسي لنجاح الصورة بالنسبةلخلود هو تخيلها عشان تعرف تطلعها زي ما انت عايز. من أبرز الحاجات اللي ظهرت فيها موهبة خلود كانت الحملة الإعلانية ل”Oppo reno 3 و 4”، اللي اتعاونت فيه شركة Oppo مع مجموعة مصورين موهوبين مكونة من١٢ مصور و مصورة من ضمنهم خلود، و ذكرت خلود أن دي كانت من أحلى و اهم التجارب بالنسبة ليها غير إنمن خلال اشتراكها في التجربة دي قدرت تتبادل خبرات و معلومات مع بقية المصورين لأن كان كل واحد فيهم بيصور بأسلوب مختلف و في فئة مختلفة، و ان تصوير الإعلان كسر عندها حاجز الخوف من انها تظهر قدامالكاميرات دا. حاجة تانية كسرت حاجز الخوف عند خلود بس المرادي خوفها كان من إنها تقدم نفسها قدام عدد منالناس، و دي
كانت أول مرة ليها تطلع تتكلم قدام عدد كبير من الناس مهتم بالفن و التصوير و دا event في شهر٤ سنة٢٠١٩.
تميز أسلوب خلود في التصوير بإنه اسلوب مختلف بيجذب العين ليه، و ظهر دا بشكل واضح في جلسة التصويراللي عملتها خلود لمغني الراب "ويجز" اللي يعتبر من أشهر مغنين الراب في مصر ان مكانش أشهرهم. في جلسة التصوير دي غيرت خلود من الشكل اللي بيظهر بيه ويجز دايماً كستايل و لبس، و ساعدتها على كداالستايلست "سارة بهاء" اللي شاركت معاها في جلسة التصوير دي و قدرت تنفذ الشكل اللي كان في دماغ خلود بالضبط، و على أساس فكرة خلود و تخيلها لجلسة التصوير ظهر ويجز بشكل دَمج بين ستايل ويجز الليعادةً بيظهر بيه و بين شكل ال cowboy و الشكل ال formal الامريكي الكلاسيكي، بالاضافة الي التاتش المصري اللي ظهر في السجادة اللي ورا ويجز في الصور. لما سألنا خلود عن اهمية الأرقام و التفاعل بالنسبةليها و هل ممكن دا يأثر عليها او يخليها تغير من اللي بتعمله جاوبت إن مستحيل الارقام تفرق أو توقف فنانبجد، لأن الفنان الحقيقي بيلاقي متعة و سعادة في اللي بيقدمه و أهم شيء بالنسبة ليه انه ينشر الفن بتاعه منغير ما يهتم بالتعليقات سواء سلبية او إيجابية و دا اكيد مبينفيش ان اي حد صاحب محتوى بيحتاج دعم إنماالناس اللي بتأثر عليها الارقام فا هما ناس حرفية أكتر و دا ميقلش منهم خالص هما بس نوع تاني من الناس و بيبقوا مستنين حاجة مادية من ورا الي بيعملوه سواء ارقام و تفاعلات او فلوس لو في تعاون مع شركة. بالنسبةلخلود فا هي في الوسط و بتحب تشتغل مع ناس بتقدر الفن حتى لو منغير فلوس (اه اه زيي كدا).
لو عايز تبدأ حاجة معينة و مستني تجيب أجهزة و خامات عالية و مستني فلوس و كدا فا أحنا و خلود جايين نقلك بطلإستعباط و مرقعة و الكلمتين اللي جايين دول ليك. اكبر غلط لأي حد عايز يبدأ حسب كلام خلود انه يستنىالأدوات و الظروف المناسبة لأنه كدا عمره ما هيبدأ، ابدأ و مع الوقت طور من نفسك. و اخيراً سألنا خلود عننصائح لأي حد من الجيل الأصغر منها عشان لما يعملوا إنستجرام و يقدموا المحتوى بتاعهم يبقوا جامدين زيها كدا.
اولاً و أهم خطوة: حدد أنت عايز تعمل ايه بالضبط و خطط له
ثانياً : مشيها رسمي، يعني مينفعش فجأة تنزل محتوى شخصي (مش هتبقى بتصور مثلاً و تصحى الصبحتنزل على اكونت الشغل صورتك مع الاسرة و انتو على شاطئ المعمورة)
ثالثاً : مهم ان الناس تبقى عارفة مين ورا المحتوى دا و عشان كدا لازم تقدم نفسك بطريقة لطيفةسواءبhighlighted stories او post في الاول
رابعًا : لازم يكون عندك color palette او theme معين تمشي بيه لأن دا بيلفت نظر الجمهور او المتابعين،فاعشان كدا لازم الاكونت يكون منظم و في البداية تنزيل الposts يكون منظم (يعني كل يوم او كل يومين) بس منغير حشو عالفاضي او post معين متجزأ على كذا مرة لأن دا بيزهق الناس عشان بيحبوا يشوفوا الصورةكاملةو لكن قدام ممكن تنزل حاجة فيها تفاصيل لما الناس تكون عرفت ستايل شغلك و بكدا هتجذب و تستهدف الناساللي فعلاً بتهتم بالفن اللي بتقدمه و هيساعدك على دا الsponsored ads اللي موفرها الانستجرام.
خامساً : غذي عينك بجميع اشكال الفن، لأن دا بيساعدك إنك تخرج برا الصندوق و بيجيلك إلهام بشكل اسرعوأسهل و بتكون مبدع اكتر. و لما تتفرج على فنون تانية غير اللي بتقدمه دا هيساعدك انك متقدمش حاجة شبه حد تاني على عكس لو اتفرجت على نفس الحاجة اللي بتقدمها.
Writer: Farah ElHawash
Editor: Rawda Tarek
Comments