من كام يوم، قعدت مع شخصية موهوبة، شخص قرر يخلق لنفسه فرص مش فرصة واحدة، فنان شغله مخليه في غنى إنه يتكلم عن نفسه. الفنان عمر شرقي، الyoutuber المتميز بخفة الدم و الابداع.
"و الله بالنسبة لي كانت فترة مثمرة بصراحة، مش عايز أقول كلام cliché، بس اتعرفت على نفسي اكتر كدا."
دا كان رد شرقي علي احواله في فترة الquarantine اللي أغلبنا بعد صراعات نفسية كتيرة، إتعرف على نفسه أكتر.
اللي بيميز شرقي انه فضل يجرب نفسه في حاجات مختلفة، من graphic design ل fitness، لحد ما تأكد ان السينما هي أكتر حاجة بيحبها و اللي لاقي نفسه فيها. It’s his one true passion. شرقي كان في غرام السينما من و هو عنده ٨ سنين. لما سألته ايه اول حاجة جت علي باله بتديه طاقة إيجابية، رده كان "location تصوير، ليها ريحة مميزة كدا بتديني طاقة."
قناة الyoutube بتاعة شرقي مكانتش أول مرة يطبق فكرة و يعمل محتوي، و لكن هي اللي استمر بيها لحد دلوقتي بالنجاح اللي احنا شايفينه دا. ابتدي مشروع القناة من ٢٠١٧ و كان كل هدفه انه يعمل حاجة بيحبها و يظهر موهبته. بدأ بتقليد مشاهد لشخصيات بيحبها و حابب يكون زيها. بعدين بدأ يصنع محتوي من وحي خياله هو.
من أفخر و أسعد المنتجات اللي مبسوط بيها هي محتواه اللي عمله علي قناته. اللي ممكن تكون مش على علم بيه ان شرقي بيصنع محتواه لوحده بنفسه في بيته و مع الوقت اتعلم حاجات أكتر في وقت قصير في مجال الediting، و الmonochrome، و دا ساعده أكتر يوصل محتواه بالصورة عالية الجودة اللي واصللنا دي. برضه أتكلم عن دوره في مسلسل لمس أكتاف مع الفنان ياسر جلال و انه كان من الأدوار اللي اتعلم منها حاجات كتير.
"الاستمرارية و التغيير" هي الحاجات اللي شرقي أكد عن أهمية وجودها في أي حد مهتم بمجال صنع المحتوي. و هنا أتكلم عن الفرق بين الtrend و الvalue، و ان أي فنان محتاج يبقي معاه الاتنين و إدى مثل زي will smith و أحمد حلمي، إنهم أشخاص قدروا يزودوا تواصلهم علي وسائل التواصل الاجتماعي و دا خلاهم ماشيين مع الtrend و فنفس الوقت هما عندهم الvalue و هي موهبتهم و أفلامهم.
“ الtrend مش بالضرورة انه يخليك ناجح خاصة ان جمهور الsocial media ملوش ملكة، فمحتاج انه دايما تغير من نفسك. و برغم من إن الاستمرارية مهمة، فشرقي إتكلم انه لازم تخلي بالك من صحتك النفسية. الضغطة بالنسبة لي في الprocess نفسها أثناء عمل الفيديو، بشتري صحتي مابين الفيديو و التاني."
أضاف إن الأكذوبة اللي مسيطرة على الناس و أتكلم عنها، هي إن ممكن مش الناس اللي عايزة تصنع محتوي مش بتتشجع و هي أكذوبة الbudget، "حاول تقلل علي قد ما تقدر، لو عندك فكرة، خليك minimalist عشان متضيعش الموضوع."
ثم أكد ان التصوير مش بيحتاج كاميرا تحفة عشان تبقي الجودة تحفة، مجرد الاهتمام بحاجات زي الإضاءة و الخلفية كافي انك تطلع شغل جامد.
لما سألته عن رأيه في صنع المحتوي في مصر، "في ناس تقيلة قوي و عارفة هي بتعمل ايه" و اثني علي صاحبه الفنان سيف زهران، "زكي لأبعد الحدود". و لكنه برضه ابدى ان في صناع محتوى بيستفزوه زي صانعي محتوي الtik tok، و اتكلم عن الجمهور المصري بإنه: "جمهور بيحب يحترم عقليته."
علي خططه المقبلة، اعلن شرقي عن تعاقدة مع شركة كبيرة و مخرج كبير لتكملة سلسلة أفلام 4D اللي لقت استحسان الجمهور، و انه هينزل علي قناته مسلسل جديد اسمه 'أرنوب' و هيكون عن شخصية super hero. حلمه انه يفضل يعمل الحاجة اللي هو حاسسها و حاببها و يتعاقد مع منتجين.
لما زنقت شرقي يقولي كام فيلم عربي و English بيحبهم، دول اللي قالهم:
مصري: 'الباشا تلميذ، تيتو، أبو علي'
English: 'Iam Legend, Pursuit of Happiness, Catch me if you can’
شرقي في كلمة واحدة؟ "سبع صنايع"
Interviewer: Nada Helmy
graphic designer:Ola sherif
editor:Eman Ibrahim
コメント